لە شاراوەییەوە بەرەو کاریگەربوون: چۆن سۆشیاڵ میدیاکەت دەکەیت بە سەرچاوەیەکی داهاتی براندی کەسییت؟

ئەگەر دەتەوێت دەست بکەیت بە دروستکردن و بڵاوکردنەوەی ناوەڕۆک، پێویستە کە ئەم سێ هەنگاوە جێبەجێ بکەیت:

– دیاریکردنی پسپۆڕی (Niche): پێویستە تایبەتمەندییەکی دیاریکراو هەڵبژێریت لە بوارە پیشەییەکەتدا کە ناوەڕۆکەکانت لە چوارچێوەی ئەو تایبەتمەندییە پیشەییەدا دابڕێژیت و لەڕێگەیەوە خزمەت بە گروپێکی بەئامانجگیراوی دیاریکراو بکەیت.

– یاسای ٨٠/٢٠ جێبەجێ بکە: با لە٨٠٪ی ناوەڕۆکەکانت فێرکاری و بەخشینی زانیاریی و بەها بن بە بێبەرامبەر، با تەنها لە ٢٠٪ی ناوەڕۆکەکانت بۆ ناساندنی خزمەتگوزارییەکی براندی کەسیی خۆت بێت.

– بانگکردن بۆ کردارێک(Call to Action): لە کۆتایی هەر ناوەڕۆکێک دا پەیوەندییەکی زیندووی یەک بە یەک دروستبکە و داوا لە بینەر بکە کارێک بکات، بۆ نموونە: «ئەگەر تۆش ئەم کێشەیەت هەیە، لە کۆمێنت بۆم بنووسە».

هەڵە تێگەیشتنێک هەیە لە کاتی دروستکردنی ناوەڕۆک دا زۆر کەس وا دەزانن ژمارەی لایک و فۆڵۆوەری زۆری پەیجەکەیان گرنگە، بەڵام لە ڕاستیدا دروستکردنی کاریگەری لەڕێگەی داڕشتنەوەی ناوەڕۆکی پێویست و چارەسەرکار گرنگە نەک ژمارە. 

براندی کەسیی سەرکەوتوو ئەو براندەیە کە دەتوانێت پێداویستییەکی بازاڕ بدۆزێتەوە و چارەسەرەکەی پێشکەش بکات. 

کاتێک تۆ لەڕێگەی دروستکردنی ناوەڕۆکی ئیلهامبەخش و چارەسەرکار متمانەی باش لای گروپی بەئامانجگیراوت دروست دەکەیت ئەو کاتە خەڵکی ئامادەن بۆ ئەوەی کە هەر خزمەتگوزارییەک کە هەتە بەپارە لێتی بکڕن و بەشداریبکەن و تاقی بکەنەوە لێرەدا سۆشیاڵ میدیا ڕۆڵی خۆیی دەگۆڕێت لە هۆکارێکی بەکارهێنەوە دەبێتە سەرچاوەیەکی داهات و بەرهەمهێن، وە شوێنێک کە تێیدا براندی کەسیی تۆ وەک پێگەیەکی بەرهەمهێنانی دەرفەت کاربکات.

تیۆرییەکی (TrustRadius) هەیە کە دەڵێت کڕیار پێویستی بەم پێنج شتە هەیە پێش ئەوەی پارەت پێبدات:

– متمانە.

– توانای چارەسەرکردن.

– بەڵگەی کۆمەڵایەتی (Social Proof).

– گونجانی نرخ.

– بەردەوامی. 

سۆشیاڵ میدیا هەموو ئەمانە لە یەک جێگەدا کۆ دەکاتەوە. 

کۆتا قسەم ئەوەیە پێویست ناکات تۆ چیتر لە دروستکردنی ناوەڕۆک بترسیت و دوایبخەیت چونکە شاراوەبوون و دەرنەخستنی توانا و لێهاتوویەکانت دەرفەتەکان دەکوژێت. ئەگەر خەڵکی نەزانن تۆ کێیت و هەگبەکەت چی تێدایە هەرگیز ناتوانن بتدۆزنەوە و خزمەتگوزارییەکت تاقی بکەنەوە. بە بەخشینەوەی بەها، بڵاوکردنەوەی ئەزموونەکانت، باسکردنی شکستی کارەکانت و نیشاندانی سەرکەوتنەکانت، تۆ پردێکی سوودگۆڕکێ لەنێوان خۆت و گروپی بەئامانجگیراوی خۆتدا بنیاد دەنێیت کە دەگونجێت ببێت بە سەرچاوەیەکی داهاتی باشی براندی کەسییت.