بڵاوکراوەی ئەم هەفتەیە چی لە خۆی دەگرێت؟
١. چۆن Nicheی خۆت لە بوارە پیشەییەکەت دا دیاری دەکەیت؟
٢. چۆن دیاریکردنی Niche ی تایبەت بە خۆت بەهای پیشەییت لای گروپی بەئامانجگیراو بەرزدەکاتەوە؟
ئاکۆ خاوەن کۆمپانیایەکی عەقارات بوو، پیاوێکی کارامە و لێهاتوو بوو، ڕۆژانە خۆی لەناو لێشاوی مامەڵەی جۆراوجۆری موڵکی خانوو و زەوی و کرێ و بازرگانی دا دەبینییەوە. ئەو هیچ سنوورێکی بۆ کارەکانی دانەنابوو و واتە Niche ی خۆی دیاری نەکردبوو لە بوارە پیشەییەکەی دا هەر لە شوقەیەکی بچووکی کرێوە تا دەگەیشتە زەوییە بازرگانییەکان، دەستی بۆ هەموو جۆرە موڵکێک دەبرد.
لەڕێگەی ڕاوێژێکی تایبەتی داوەر لهۆنی یەوە کاتێک بە وردی سەیری ئەنجامی کارەکانیمان کرد، ڕاستییەکی سەرنجڕاکێشمان بۆ دەرکەوت، ئاکۆ زۆربەی سەرکەوتن و ئەنجامە باشەکانی تەنیا لە مامەڵەکردن بە ڤێلا و خانووە گرانبەهاکان دا بوو.
لە ڕێگەی ڕاوێژە تایبەتەکەوە، یارمەتیمان دا تا تەنیا تیشک بخاتە سەر ئەو بوارەی کە تێیدا باش و سەرکەوتووە. ئاکۆ بڕیارێکی بوێرانەی دا چیتر کاری لەسەر خانووی کرێ و موڵکی بازرگانی نەکرد و تەواوی تواناکانی خۆی بۆ موڵکە گرانبەهاکان تەرخان کرد.
ئەگەر بێتو بەردەوام بوایە لەسەر ئەو جەنجاڵییەی پێشووی، دەبوو ڕۆژانە مامەڵە لەگەڵ دەیان جۆر کڕیاری جیاواز بە سروشت و داواکاریی بکات، کە ئەمەش نەک هەر ماندووی دەکرد، بەڵکوو پاراستنی ناوبانگی پیشەیی و کەسایەتی کارەکەشی قورستر دەکرد.
کاتێک ئاکۆ Nicheی بوارە پیشەییەکەی خۆی دۆزییەوە، ئیتر بە وردی دەیزانی کڕیارەکانی کێن، چییان دەوێت و بە چ زمانێک گفتوگۆیان لەگەڵ بکات. تەنانەت ناوەڕۆکی سۆشیاڵ میدیاکەشی بوو بە سەرچاوەیەکی بەرهەمدار و متمانەپێکراو، چونکە ئەو چیتر تەنیا وەکو دەڵاڵێکی ئاسایی عەقارات نەبوو، بەڵکوو ببوو بە ڕاوێژکارێکی پسپۆڕ لە بواری موڵکە گرانبەهاکاندا.
Niche چییە؟
لە جیهانی براندی کەسیدا، Niche ئەو تایبەتمەندییە سەرەکیەیە یان ئەو گۆشە تایبەتەیە کە تۆی پێ دەناسرێیتەوە لە بوارە پیشەییەکەتدا.
Niche ئەو شوێنەیە کە تێیدا سێ شت بەیەک دەگەن:
– لێهاتوویی.
– خولیا و حەزەکانت.
– پێویستییەکانی بازاڕ و گروپێکی دیاریکراو لە خەڵکی.
ئەگەر بێتو بەووردی باس لەوە بکەین کە چۆن لە ڕێگەی بوارێکی پیشەیی گشتییەوە Niche ی تایبەت بەبوارە پیشەییەکە دیاری بکەین بەم شێوازەی لای خوارەوە دەبێت:
– بواری پیشەیی گشتی: ئەمە ئەو چەترە گەورەیەیە کە هەموو کەسانی پیشەیی لە بوارێکی دیاریکراودا تێیدا کۆدەبنەوە، کێبڕکێ لێرەدا زۆرە و بەهای پیشەیی لە نزمترین ئاست دایە چونکە هەمووان هەمان کار دەکەن و زۆر گشتگیرە. بەنموونە: (کاری عەقارات).
-تایبەتمەندی بواری پیشەیی: لێرەدا تۆ هەنگاوێک لە گشتیبوون دێیتە دەرەوە و بەشێکی دیاریکراو لەو پیشەیەدا هەڵدەبژێریت. لێرەدا کڕیارەکان دەزانن تۆ کەمێک لەوانی تر شارەزاتر و تایبەت تریت. بەنموونە: (ڕاوێژکارێکی عەقارات تەنها لە موڵکی خانووبەرەدا کاربکات).
– Niche: ئەمە لووتکەی پسپۆڕییە لە بوارە پیشەییەکەتدا تۆ تەنیا خزمەتگوزارییەکی زۆر دیاریکراو و سنووردار پێشکەش بە گروپێکی زۆر دیاریکراو لە خەڵکی دەکەیت.
بە نموونە: (مامەڵەکردن بە موڵکە گرانبەهاکانی خانووبەرە وەکو ڤێلا).
"کە Niche ی تایبەت بەخۆت هەبوو گروپی بەئامانجگیراوت باشتر دەناسیت"
هەنگاوەکانی دۆزینەوەی Niche :
– تێڕامان لە خود (Self-Reflection): بە قووڵی خۆت بناسە، ئامانجت چییە ؟ وە بۆچی خەڵک تۆ هەڵبژێرن و کەسێکی هاوپیشەی تۆ هەڵنەبژێرن؟
-دەستنیشانکردن و ناسینی تاکی ئامانج: کێ دەبێتە کڕیار و گروپی بەئامانجگیراوت؟ تێگەیشتن لە ڕەفتاری ئەوان وەک نەخشە ڕێگای سەرکەوتنی تۆ وایە.
-شیکردنەوەی ئازارەکانی کڕیار (Pain Points): کڕیارەکانت بەدەست چ کێشەیەکەوە دەناڵێنن؟ کاتێک دەبیتە دەرمانی ئازارەکانیان، متمانە دروست دەبێت.
–لێکۆڵینەوە لە ڕکابەرەکان: سەیری ڕکابەرە پیشەییەکانت بکە. ئەو بۆشاییەی ئەوان بەجێیان هێشتووە پڕیبکەرەوە.
–تاقیکردنەوەی بیرۆکەکان: پێش ئەوەی بازی گەورە بدەیت، سەرەتا بازی بچووکی تاقی بکەرەوە. لەڕێگەی بڵاوکردنەوەی ناوەڕۆکەوە Niche ی خۆت بەکاردانەوەی خەڵکی هەڵبسەنگێنە.
–پابەندبوون: کاتێک Nicheی خۆت دۆزییەوە و تەواو دیاریت کرد، ئیتر هەوڵ مەدە بچیتە سەر ڕێگای جیاوازتر. تەنها هەوڵبدە وەک شارەزایەک تەنها پابەندبیت بە تایبەتمەندی ئەو بوارە پیشەییەی کە دیاریتکردووە تاکو ئەسپی خۆتی تێدا تاو بدەیت.
ئەو هەنگاوانەی باسمان کرد هەنگاوەکانی دۆزینەوەی Niche ی تایبەت بە بوارە پیشەییەکەت بوو بەڵام ئەگەر نەتزانی چی هەڵبژێریت وە چی بکەیت بە Niche ێکی دیاریکراو و هەڵبژێردراوی خۆت، باشترین ڕێگە ئەوەیە کە دەستبکەیت بە دروستکردنی ناوەڕۆک لەسەر کۆمەڵێک بابەتی جیاواز لە بوارە پیشەییەکەی خۆتدا.
بۆ نموونە: تۆ ئەندازیارێکی تەلارسازیت سەرەتا لە ڕێگەی ناوەڕۆکەوە باس لە دیزاینە مێژوویی و کەلەپووریەکان دەکەیت، دەبینیت کاردانەوەی خەڵک بۆی کەمە. پاشان باسی “هەڵە باوەکانی جێبەجێکردن لە پڕۆژەکانی نیشتەجێبوون” دەکەیت و دەبینیت خەڵک زۆر بە پەرۆشن بۆ ئەم بابەتە ئەوا تۆ لێرەدا دەتوانیت Niche ی خۆت وەکو :“ئەندازیارێکی تەلارسازی تایبەت بە پڕۆژە نیشتەجێبووەکان” دیاری بکەیت و خۆت بناسێنیت لەو ڕێگایەوە تاکو خەڵک و کۆمپانیا جێبەجێکارەکانی پڕۆژەی نیشتەجێبوون متمانەت پێبکەن بە ئەو زانیارییانەی کە دەیبەخشیت لە ڕێگەی دروستکردنی ناوەڕۆکەوە.
لە کۆتاییدا، دیاریکردنی Niche تەنیا بڕیارێکی پیشەیی نییە، بەڵکو بناغەی براندی کەسیی تۆیە. ئەگەر بتەوێت لە کەسێکی ئاسایی ناو جەنجاڵی بازاڕی پیشەییەوە ببیتە پسپۆڕێکی تایبەتمەند و جێگەی متمانە لە بوارە پیشەییەکەی خۆتدا، دەبێت بوێری ئەوەت هەبێت سنوورێک بۆ کارەکانت دابنێیت.
کاتێک تۆ خاوەن Niche ی تایبەت بە خۆتیت، گروپی بەئامانجگیراوی خۆت باشتر دەناسیت لە ڕەفتار و گوفتار و تەنانەت پێویستییەکانیشیان تێدەگەیت. ئەم تێگەیشتنە قووڵە وات لێ دەکات ناوەڕۆکێک دابڕێژیت کە ئیتر تۆ چیتر بۆ هەمووان نانووسیت، بەڵکوو بۆ ئەو کەسانە دەنووسیت کە بەدوای کوالێتی و چارەسەری ڕاستەقینەدا دەگەڕێن، ئەمەش وات لێ دەکات لە چاوی ئەواندا وەک سەرچاوەی بەها دەربکەویت.
زۆر کەس وا دەزانن Niche بازنەیەکی زۆر بچووک و بەرتەسکە و دەرفەتی کارکردنی تێدا کەمە، لایان وایە ئەگەر ناوەڕۆک و پۆستەکانیان خەڵکێکی کەم بیبینن، ئەوا شکستیان هێناوە. بەڵێ، فەلسەفەی ڕاستەقینەی Niche ئاوایە گروپی بەئامانجگیراوی تۆ زۆر سنووردار دەبێت، بەڵام ئەمە خاڵی بەهێزی تۆیە نەک لاوازی. چونکە تۆ کارت بە جەنجاڵییەکی بێسوود نییە، بەڵکوو کارت بە کۆمەڵە خەڵکێکی دەستنیشانکراوە کە بەدوای بەرزترین کوالێتی کاردا دەگەڕێن لە بوارە پیشەییەکەتدا.
پرۆگرامی کۆچینگی تایبەت
پرۆگرامێکی ڕاوێژکاری دووبەدووە، واتە تەنها بۆ کەسی بەشداربووە. یارمەتی کارسازان و کەسانی پیشەیی دەدات لە ڕێگای ڕاوێژی تایبەتەوە بە کاتێکی کەم براندیکی کەسیی پیشەیی بەهێز دروست بکەن.
پرۆگرامەکە بۆ کەسانی پیشەیی و کارسازانە کە دەیانەوێت گەشە بە براندی کەسیی خۆیان بدەن لە ڕێگەی گەشەدان بە توانای
Communion
Public Speaking/Speaking in front of camera
Brand Tone
Brand Story
Networking Strategies
لە ڕێگای دروست بەکارهێنانی سۆشیاڵ میدیاوە.
لە ماوەی کۆچینگەکاندا، فرەیمۆرکی تایبەت بۆ بەشداربوو دادەڕیژرێت و سەرچاوە و دۆکیۆمێنتی بۆ ئامادەدەکرێت بۆ ئەوی بەشداربوو لە پاش کۆچینگیش بتوانێت بەردەوام بێت لە فێربوون. هەروەها هۆموۆرک و واجبی پەیوەست بە فرەیمۆرکی خۆی پێدەدرێت و پاش کۆچێنت بۆ هەر هۆموۆركێک بە ئۆنلاین هەڵسەنگاندن و فیدباک دەدرێت بە بەشداربوو.
لە سەرجەم پلاتفۆڕمەکان فۆڵۆوم بکە
ئەم ناوەڕۆکە شەیر بکە لای خۆت
خوێنەری بڵاوکراوەکانی پێشوو بە
ناوەندەکانی گواستنەوەی بەهاکانی براندی کەسیی کامانەن؟
بەکارهێنانی ناوەندە جیاوازەکان دەرفەتێکی فراوانتر دەدات بە بەها و تواناکانت بۆ گەیشتن بە کەسانی زیاتر، هەر ناوەندێک تایبەتمەندی و کاریگەری جیاوازی هەیە
چۆن کاریگەری دروست بکەم لەسەر گروپی بەئامانجگیراوی خۆم؟
گروپی بەئامانجگیراو (تارگێت ئەودیەنس) تەنها بیریتی نییە لە زانینی ڕەگەز و تەمەنی ئەو کەسانەی کە ئارەزومەندن لە براندی کەسیی تۆ و تۆ دەتەوێت بە ئامانجیان بگریت! زانینی ڕەگەز و تەمەن ڕەنگە یارمەتیت بدەن کە بیاندۆزیتەوە، بەڵام یارمەتیت نادەن لە بەدەستهێنانی سەرەنج و متمانەیان.
براندی کەسیی سەرکەوتوو نابێت بەبێ گروپی بەئامانجگیراو
“کاتێک دەتەوێت هەمووان لێتتێبگەن، ئەوا کەس لێتتێناگات”
وەهمێک هەیە لەناو کارسازاندا کە پێیان وایە پێویستە پەیامەکانی براندی کەسیی خۆیان بگات بە زۆرترین کەس!
چوارچێوەی SMART وەک کاریگەرترین ڕێگای دانانی ئامانج بۆ براندی کەسیی خۆمان
“ئەگەر نەزانیت کە بۆ کوێ دەڕۆیت، بۆ هەر شوێن بڕۆیت، ونیت” ئەم وتەیە زۆر دروستە کاتێک کە بیر لە ئامانجی پشت گەشەدان بە براندی کەسیی دەکەین لەسەر سۆشیاڵ میدیا. هەبوونی ئامانج ڕێگرە لەوەی کە ون بیت و هەوڵەکانت بە زایە بچێت، بەڵکو تەنها هەبوونی ئامانج یارمەتیت دەدات بگەیتە ئەو خاڵەی کە دەتەوێت.
براندی کەسیی لە پێنج خولەکدا: بۆچی گرنگە براندی کەسییمان ئامانجێکی دیاریکراوی هەبێت؟
ئەوەی کە گرنگە ئەوەیە کە بیزانین، خاوەنی براندی کاریگەر، ستراتیژیانە هەموو جوڵە و پلانێکی براندەکەی خۆی کۆ دەکاتەوە لە یەک ئامانجدا بۆ ئەوەی بتوانێت پێوانەی گەشەی براندەکەی خۆی پێبکات. هەر بۆیە دەڵێین، نەبوونی ئامانج بۆ براندی کەسیی خۆت، دەبێتە هۆی ساردبوونەوە و وەستان لە پرۆسەی گەشەدان بە براندەکە.
براندی کەسیی لە پێنج خولەکدا: چۆن بتوانین براندی کەسیی خۆمان دووربخەینەوە لە لاسایی کردنەوەی ئەوانی دیکە؟ چۆن ٪١٠٠ خۆمان بین؟
هەمیشە ئەوەت بیربێت کە هۆکاری جێبەجێ نەکردنی ڕەسەنایەتی لە براندی کەسیی خۆتدا بۆ ئەوە دەگەڕێتەوە کە کوێرانە سەرسامی ئەوانی دیەکەیت و دەتەوێت لاساییان بکەیتەوە. مەبەست لە کوێرانە ئەوەیە کە هۆکارێکی قوڵت نییە بۆ سەرسام بوون بە ئەوانی دیکە و هێشتاش خۆت بە قوڵی نەناسیەوە.
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.