بڵاوکراوەی ئەم هەفتەیە چی لە خۆی دەگرێت؟
١. گرنگی گەشەدان بە براندی کەسی لە کاتی خوێندن یان سەرەتای کاردا ڕوونی دەکاتەوە کە بازاڕی کاری ئەمڕۆ چیتر تەنها پشت بە بڕوانامەی سەر کاغەز نابەستێت.
٢. هەنگاوە کردارییەکانی دروستکردنی ناسنامەیەکی دیجیتاڵی کاریگەر چیین کە دەبنە هۆی ڕاکێشانی دەرفەتی کاری ناوازە.
زۆرێک لە ئێمە وا بیر دەکەینەوە کە پێویستە سەرەتا ببینە خاوەنی بڕوانامەیەکی بەرز یان چەندین ساڵ ئەزموونی کارکردنمان هەبێت، پاشان دەست بکەین بە گەشەدان بە براندی کەسیی خۆمان و ناساندنی خۆمان و کارەکانمان بە خەڵکی و ئەو ژینگەیەی کە تیایدا دەژین. بەڵام ڕاستییە تاڵەکە ئەوەیە کە بازاڕی کاری ئەمڕۆ وەکو جاران چاوەڕێی وەرگرتنی بڕوانامەی سەر کاغەز و کۆکردنەوەی دەیان ساڵی ئەزموون ناکات، بەڵکو دەبێت ئێمە بەدرێژایی ئەو ساڵانەی کە تەرخانی دەکەین لە بەدەستهێنانی بڕوانامە و ئەزموونی کارکردن پڕۆفایلێکی کاریگەر دروستبکەین بۆ گەشەدان بە براندی کەسیی خۆمان.
سۆران خوێندکارێکی زیرەک بوو، چوار ساڵی تەواو بە جۆش و خرۆشەوە سەرقاڵی خوێندنی بەکالۆریۆس بوو لە بەشی ئەندازیاری پرۆگرامسازی، ئەو هەمیشە پێی وابوو کاتێک نمرەی بەرز بەدەست دەهێنێت و بڕوانامەکەی وەردەگرێت، لەدەرگای هەر کۆمپانیایەک بدات و سیڤی پێشکەش بکات بەهۆی بڕوانامەکەیەوە بێ شک وەردەگیرێت و بێبەش نابێت لە هەلی کاری گەورە سۆران لە ماوەی خوێندنەکەیدا هیچ چالاکییەکی لە تۆڕە کۆمەڵایەتییەکدا نەبوو، هیچ کار و چالاکی و ناوەڕۆکێکی تایبەت بە بوارە پیشەییەکەی خۆی بڵاو نەدەکردەوە و پێی وابوو کە ئەو هێشتا ئامادە نییە و دەبێت سەرەتا بڕوانامەکەی وەربگرێت و چەند ساڵێک ئەزموون کۆبکاتەوە، پاشان خۆی پیشان بدات و ناوەڕۆک بڵاوبکاتەوە.
ڕۆژی دەرچوون لە زانکۆ هات و سۆران بە شانازییەوە بڕوانامەکەی وەرگرت، بەڵام کاتێک دەستی کرد بە پێشکەشکردنی سیڤی بۆ کۆمپانیا جیاوازەکان، ڕووبەڕووی بێهیواییەک بوویەوە یان وەڵامیان نەدەدایەوە یان پێیان دەگوت کە ئەوان پێویستیان بە کەسێکە کە کار و چالاکی و ناوەڕۆکی هەبووبێت لەپێشتردا.
لە بەرامبەردا، هاوپۆلێکی تری سۆران کە نمرەکانی لە سۆرانیش نزمتر بوون، بەڵام لەبەرەوەی کە لە یەکەم ساڵی زانکۆوە بەردەوام لە هەوڵی فێربوون و بڵاوکردنەوەی چالاکی و پڕۆژەکانی دابوو لە تۆڕە کۆمەڵایەتی و پیشەییەکان دوو دەرفەتی کاری باشی بۆ هاتبووە پێش.
لێرەوە سۆران درکی بە کێشە گەورەکە کرد ئەو نەناسراو بوو لە جیهانی پیشەیی و دیجیتاڵیدا وە بۆ کاری کۆمپانیاکان و کەرتی تایبەت بڕوانامەکەی تەنیا ناسنامەیەکی سەر کاغەز بوو کە نەی دەتوانی توانای ڕاستەقینەی ئەو بسەلمێنێت.
سۆران بێئومێد نەبوو، بڕیاری دا ستراتیژیای کارکردن لەسەر گەشەدان بە براندی کەسیی خۆی بگۆڕێت و لەو خاڵەوە دەست پێ بکات کە کێشەی بۆ دروستکردبوو لەبەردەم دەرفەتی دەستکەوتنی کاردا، ئەگەر تۆش لە دۆخێکی هاوشێوەدا دایت، ئەم هەنگاوانەی خوارەوە کلیلی چارەسەرن بۆت:
– دروستکردنی پڕۆفایلێکی کاریگەر: پێویست ناکات وەک کەسێکی خاوەن ئەزموونی دەیان ساڵە دەربکەویت، پرۆسەی فێربوونی خۆت و ئەو کارەکانەی کە دەیکەیت (هەرچەندە کەم و بچوکیش بن) لەسەر شێوازی ناوەڕۆک بڵاوبکەرەوە.
– پێشکەشکردنی بەهای بێبەرامبەر: پڕۆژەی بچووک ئەنجام بدە، یان هاوکاریی کەسانی تر بکە لە چارەسەرکردنی کێشەکانیاندا:
ئەگەر ئەمڕۆ کتێبێک دەخوێنیتەوە، کورتکراوەی گرنگترین خاڵەکانی بڵاو بکەرەوە.
ئەگەر کێشەیەکی تەکنیکیت چارەسەر کردووە، ڕێگای چارەسەرەکەی بنووسە.
ئەگەر پڕۆژەیەکت دروستکردووە تەنها بۆ فێربوون و پەرەپێدانی توانا پیشەییەکانی خۆت بڵاوی بکەرەوە.
ڕێگە بدە خەڵکی ئەو کارانە ببینن کە دەیکەیت، ئەو لێهاتووی و تواناییانەی کە هەتە تێتدا بدۆزنەوە، ئەمە متمانەیەکی گەورە لەسەر ناوی تۆ و براندی کەسیی تۆ دروست دەکات.
– دیاریکردنی پێگەی تایبەت (Niche): کار لەسەر بوارێکی دیاریکراو بکە کە حەزت لێیە، با خەڵک و کەسانی پیشەیی بەتایبەت بزانن کە تۆ لە چ بوارێکی پیشەیی دا دەتەوێت گەشە بکەیت.
– بەشداریی چالاکانە لە تۆڕە کۆمەڵایەتی و پیشەیییەکاندا بکە: بە تایبەت تۆڕی پیشەیی (LinkedIn) بەکاربێنە لەوێدا کۆمێنت لەسەر پۆستی کەسانی شارەزا بنووسە، ڕای خۆت دەرببڕە و لەگەڵ هاوپیشەکانتدا پەیوەندی دروست بکە.
" فێربوونەکانت و تەنانەت هەڵەکانیشت بەشێکن لە گەشەدان بە براندی کەسییت، چاوەڕێی تەواوکردنی خوێندن یان بەدەستهێنانی چەندین ساڵ ئەزموون مەکە بۆ ئەوەی دەست پێ بکەیت"
ئەم قسانە تەنها بۆچوونی شەخسی نین، بەڵکو لێکۆڵینەوە و داتاکانی دامەزراوە جیهانییەکان ڕاستییەکانی ئەم بابەتەمان بۆ دەسەلمێنن:
– بەپێی ڕاپۆرتێکی کۆمپانیای (CareerBuilder)، زیاتر لە %70ی کارسازان و بەرپرسانی سەرچاوە مرۆییەکان (HR) تۆڕە کۆمەڵایەتییەکان و پێگە و پلاتفۆرمە دیجیتاڵییەکان سەیردەکەن پێش ئەوەی کەسی پێشکەشکار بانگهێشتی چاوپێکەوتنی کار بکەن.
– هەروەها %21ی خاوەنکاران ڕایانگەیاندووە کە چەندەها پێشکەشکار ڕەت دەکەنەوە تەنها لەبەر ئەوەی هیچ زانیاری و بوونێکی دیجیتاڵییان دەربارەی نەدۆزیوەتەوە.
– لێکۆڵینەوەیەکی تری دامەزراوەی (Edelman) نیشانی دەدات کە %62ی خەڵک زیاتر متمانە بەو کەسانە دەکەن کە وەک کەسایەتییەکی شارەزا لە بوارەکەی خۆیاندا دەردەکەون و بەردەوام زانیاری بەسوود بڵاو دەکەنەوە، بەراورد بەو کەسانەی کە تەنها ناونیشانێکی کاریان هەیە.
ئەم داتایانە پێمان دەڵێن کە گەشەدان بە براندی کەسی، تەنها بژاردەیەک نییە، بەڵکو پێویستییەکی حەتمیی پیشەیییە لە ڕۆژگاری ئەمڕۆماندا.
پاش دە مانگ لە ڕاستکردنەوەی تێگەیشتنە هەڵەکەی دۆخی سۆران بە تەواوی گۆڕا، ئەو چیتر خاوەن بڕوانامەیەکی بەکالۆریۆس نەبوو بەتەنها، بەڵکو ببووە چالاکوانێکی بواری ئەندازیاریی پرۆگرامسازی، ناوەڕۆکە پیشەییەکانی دەنگدانەوەی باشی هەبوو وە پڕۆژە بچووکەکانی سەرنجی چەندین کۆمپانیایان بەلای خۆیاندا ڕاکێشا.
لەکۆتایی دا کۆمپانیایەکی گەورە لە ڕێگەی دۆزینەوەی براندی کەسییەکەیەوە لە لینکدئین پەیوەندییان پێوە کرد و پۆستی لیدەری تیمی گەشەپێدەرانیان پێشکەش کرد.
لە سەردەمی ئەمڕۆدا، هەرچەندە زووتر دەست بە گەشەدان بە براندی کەسیی خۆت لە تۆڕە کۆمەڵایەتییەکاندا بکەیت و لەسەر بوارە پیشەییەکەی خۆت ناوەڕۆک دروست بکەیت خێراتر دەگەیت بە ئامانجە پیشەییەکانت، چونکە ئەم هەنگاوە دەبێتە هۆی کۆکردنەوەی کۆمەڵێک مرۆڤ و دروستکردنی پەیوەندی نوێی پیشەیی لە چواردەورت. لە لایەکی دیکەوە خودی پەیوەندییەکانیش بە تێپەڕبوونی کات قووڵتر و بەرفراوانتر دەبن، بۆیە هەتاوەکو زووتر دەست بە پڕۆسەی گەشەدان بە براندی کەسیی خۆت بکەیت لەسەر سۆشیاڵ میدیا، لە داهاتوودا سوود و دەستکەوتی زیاتر بەدەست دەهێنیت لەڕێگەیەوە.
پرۆگرامی کۆچینگی تایبەت
پرۆگرامێکی ڕاوێژکاری دووبەدووە، واتە تەنها بۆ کەسی بەشداربووە. یارمەتی کارسازان و کەسانی پیشەیی دەدات لە ڕێگای ڕاوێژی تایبەتەوە بە کاتێکی کەم براندیکی کەسیی پیشەیی بەهێز دروست بکەن.
پرۆگرامەکە بۆ کەسانی پیشەیی و کارسازانە کە دەیانەوێت گەشە بە براندی کەسیی خۆیان بدەن لە ڕێگەی گەشەدان بە توانای
Communion
Public Speaking/Speaking in front of camera
Brand Tone
Brand Story
Networking Strategies
لە ڕێگای دروست بەکارهێنانی سۆشیاڵ میدیاوە.
لە ماوەی کۆچینگەکاندا، فرەیمۆرکی تایبەت بۆ بەشداربوو دادەڕیژرێت و سەرچاوە و دۆکیۆمێنتی بۆ ئامادەدەکرێت بۆ ئەوی بەشداربوو لە پاش کۆچینگیش بتوانێت بەردەوام بێت لە فێربوون. هەروەها هۆموۆرک و واجبی پەیوەست بە فرەیمۆرکی خۆی پێدەدرێت و پاش کۆچێنت بۆ هەر هۆموۆركێک بە ئۆنلاین هەڵسەنگاندن و فیدباک دەدرێت بە بەشداربوو.
لە سەرجەم پلاتفۆڕمەکان فۆڵۆوم بکە
ئەم ناوەڕۆکە شەیر بکە لای خۆت
خوێنەری بڵاوکراوەکانی پێشوو بە
براندی کەسیی لە پێنج خولەکدا: بۆچی گرنگە براندی کەسییمان ئامانجێکی دیاریکراوی هەبێت؟
ئەوەی کە گرنگە ئەوەیە کە بیزانین، خاوەنی براندی کاریگەر، ستراتیژیانە هەموو جوڵە و پلانێکی براندەکەی خۆی کۆ دەکاتەوە لە یەک ئامانجدا بۆ ئەوەی بتوانێت پێوانەی گەشەی براندەکەی خۆی پێبکات. هەر بۆیە دەڵێین، نەبوونی ئامانج بۆ براندی کەسیی خۆت، دەبێتە هۆی ساردبوونەوە و وەستان لە پرۆسەی گەشەدان بە براندەکە.
براندی کەسیی لە پێنج خولەکدا: چۆن بتوانین براندی کەسیی خۆمان دووربخەینەوە لە لاسایی کردنەوەی ئەوانی دیکە؟ چۆن ٪١٠٠ خۆمان بین؟
هەمیشە ئەوەت بیربێت کە هۆکاری جێبەجێ نەکردنی ڕەسەنایەتی لە براندی کەسیی خۆتدا بۆ ئەوە دەگەڕێتەوە کە کوێرانە سەرسامی ئەوانی دیەکەیت و دەتەوێت لاساییان بکەیتەوە. مەبەست لە کوێرانە ئەوەیە کە هۆکارێکی قوڵت نییە بۆ سەرسام بوون بە ئەوانی دیکە و هێشتاش خۆت بە قوڵی نەناسیەوە.
براندی کەسیی لە پێنج خولەکدا: بۆچی گرنگە خاڵی بەهێزی خۆت بزانیت و چۆن خاڵی بەهێزی خۆت دەدۆزیتەوە؟
ئەوەی گرنگە کە بیزانیت ئەوەیە، سەرمایەگوزاری کردن و بەکارهێنانی خاڵی بەهێزی خۆت لە دروستکردنی براندی کەسیی خۆتدا، دەبێتە سەنگی مەحەک بۆ دروستکردنی براندێک کە سەرکەوتنی پیشەیی بەدوای خۆیدا بهێنێت.
براندی کەسیی لە پێنج خولەکدا: چیرۆکەکەت کلیلی سەرکەوتنتە
کاتێک کە دەڵێین “براندی کەسیی” وشەی کەسیی کرۆکی چەمکەکەیە، وە هەر کەسیش لە ئێمە وەکو مرۆڤ، چیرۆکێکی تایبەت بەخۆی هەیە کە کۆکراوەی تێگەیشتن و بەها و ئەزموون و تێڕوانینەکانییەتی. ناکرێت باس لە براندی کەسیی بکەین، بەبێ ئەوەی چیرۆکێکمان نەبێت کە بتوانین بەردەوام بیڵێینەوە و بیکەینە مایەی هاندان و دروستکردنی وێنەیەکی کاریگەر لەلای تارگێت ئەودیەنسەکەمان.
براندی کەسیی لە پێنج خولەکدا: لە کوێوە دەستپێبکەم؟
یەكیک لە پایە گرنگەکانی گەشەدان بە براندی کەسیی خۆمان ئەوەیە کە تێبگەین کە بەها کەسییەکانی خۆمان چییە و لەسەر ئەو بنەمایانە جۆڵەی پیشەیی خۆمان بەکەین. ئەوەی کە هێز دەبەخشێت بە براندی کەسییت بەها کەسییەکانی تۆن. بەهاکان لە کەسێکەوە بۆ کەسێکی تر دەگۆڕدرێن،
گەوەرترین هەڵەم لە سۆشیال میدیا چی بوو؟ چۆن براندی دوو وشەیی بدۆزمەوە
راندی دوو وشەیی خۆت پێویستە لەسەرجەم قۆناغەکانی ژیانت بگوجێت و ببێتە وێنەی براندی کەسیی تۆ و ئامانج لەم تەکنیکە یارمەتیدانی تارگێت ئەودیەنسەکەتە لە باشتر وەبیرهاتنەوەی تۆ و دروستکردنی وێنەیەکی فکری لەلای تارگێت ئەودیەنسەکەت.
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.