بڵاوکراوەی ئەم هەفتەیە چی لە خۆی دەگرێت؟
١. چیرۆکی دکتۆر ئاراس کە لەڕێگەی بڵاوکردنەوەی ئەزموونی خۆیەوە چۆن توانی کڕیارەکانی بەشێوەیەکی بەرچاو زیاد بکات.
٢. گرنگی گێڕانەوەی چیرۆکی کەسیی لە دروستکردنی پەیوەندیی بەهێزی نێوان براندی کەسیی و کڕیاردا.
لە بیرمە ساڵی ۲۰٢٣ كاتێک لەسەرەتادا وەک ڕاوێژکاری براندی کەسیی دەستم بە ڕاوێژی کەسانی کارساز و پیشەیی کرد، کەسێکم لابوو کە ڕاوێژی وەردەگرت پزیشکێکی پسپۆڕی ڕاهێنانی وەرزشی و پڕۆگرامی خۆراک بوو بە ناوی دکتۆر ئاراس.
دکتۆر ئاراس خاوەنی زانیارییەکی بەرفراوانی ئەکادیمی بوو، بەڵام خزمەتگوزارییە ڕاوێژکارییە پزیشکییەکانی بە زەحمەت کڕیاری نوێیان ڕادەکێشا. کاتێک بەردەوامییدان بە بزنسەکەی کەوتبووە مەترسییەوە،
ڕەخنەیەکی ڕاشکاوانەم لێ گرت و ڕاستەوخۆ پێم ووت: “کڕیارەکان پێویستییان بە زانیاریی ناو کتێبەکان (Fact) نییە، بەڵکو پێویستییان بە کەسێکە لە ئازارەکەیان تێبگات لەڕێگەی پەیوەندییەکی زیندووەوە”
لێرەوە بڕیارمان دا لە ڕێگەی پڕۆگرامی کۆچینگی تایبەتەوە ستراتیژیی براندە کەسییەکەی دکتۆر ئاراس دووبارە لەسەر شێوازی چیرۆکی کەسیی دابڕێژینەوە. لە شوێنی بڵاوکردنەوەی پڕۆگرامە خۆراکییە ئاڵۆزەکان، چیرۆکی کەسیی خۆی دابڕێژێت وە باس لەوە بکات کە چۆن لە قۆناغێکی تەمەنیدا خۆی بە کرداری تووشی قەڵەوییەکی دیار و خەمۆکی ببووەوە و چۆن هەنگاو بە هەنگاو خۆی لەو حاڵەتە ڕزگار کردبوو.
ئەم کرانەوە ڕاستگۆیانە بەڕووی گروپی بەئامانجگیراوی دا وەک خۆیی کاری کرد لە ماوەی شەش مانگدا، کڕیارەکانی بە ڕێژەی بەرچاو زیادیان کرد.
ئەم ئەنجامانە سوتفە نەبوون، بەڵکو لەسەر بناغەیەکی قوڵی زانستی دامەزراوە:
بەپێی توێژینەوەیەکی زانکۆی ستانفۆرد (Stanford University)، کاتێک زانیاری و داتاکان لە چوارچێوەی چیرۆکێکدا دەگەیەنرێن، ۲۲ جار زیاتر لە مێشکدا دەمێننەوە بە بەراورد لەگەڵ کاتێکدا کە وەک ڕاستییەکی ئاماری وشک پێشکەش دەکرێن.
جگه لەوەش، توێژەرانی زانکۆی پرینستۆن (Princeton University) لە ڕێگەی ئامێری فەنکشناڵ ئێم ئاڕ ئای (fMRI) سەلماندیان کاتێک مرۆڤ گوێ لە چیڕۆکێکی کاریگەر دەگرێت، چالاکیی مێشکی گوێگر و چێرۆکخوێن دەبن بە ئاوێنەی یەکتر.
هەروەها دیاردەیەک هەیە لە زانستی دەمارناسیدا بە «پەیوەستبوونی دەماری» (Neural Coupling) ناودەبرێت. ئەم پڕۆسەیە دەبێتە هۆی دەردانی دوو ماددەی گرنگ لە مێشکدا: دۆپامین (کە تەرکیز و بیرهاتنەوە زیاد دەکات) و ئۆکسیتۆسین (کە هاوسۆزی و متمانەی قوڵ دروست دەکات).
گێڕانەوەی ئەزموونێکی کەسیی لە شێوازی چیرۆک تەنیا ئەزموونێکی زیندوو دروست ناکات، بەڵکو بەگوێرەی زانستی دەمارناسی (Neuroscience) و لێکۆڵینەوەکانی دکتۆر پۆڵ زاک (Paul Zak) دەریانخستووە کە گوێگرتن لە چیرۆک دەبێتە هۆی دەردانی هۆرمۆنی (ئۆکسیتۆسین) لە مێشکدا، کە هۆرمۆنێکە بەرپرسە لە دروستکردنی متمانە، هاوسۆزی و پەیوەندیی کۆمەڵایەتی.
" خەڵکی ئەوەیان بیر ناچێتەوە کە چی هەستێکت پێبەخشیون، چیرۆکی کەسییش ئامرازێکی زۆر کاریگەرە بۆ دروستکردنی ئەو هەستە"
کێشەی سەرەکی زۆربەی خاوەنکار و پسپۆڕان ئەوەیە کە وا بیر دەکەنەوە دەبێت هەمیشە وێنەیەکی بێ کێشە و کەموکورتی خۆیان نیشان بدەن. بەڵام کڕیارەکان هەرگیز کاریگەرنابن بە پەیوەندییەکی نازیندوو کە هیچ هەست و کاریگەرییەکی سۆزداریان بەسەردا جێنەهێڵێت، بەڵکو ئەوان لەسەر بنەمای ڕاستگۆیی و متمانە پەیوەندی دەبەستن.
بۆ ئەوەی چارەسەری ئەم کێشەیە بکەین :
لە چوارچێوەی چیڕۆکگێڕانەوەی کەسیی باسی ئەو ئاڵۆزییانە بکە کە ڕووبەڕوویان بوویتەوە، باسی ئەو کاتانە بکە کە کەوتیتە هەڵەوە، باسی ئەو شوێنانە بکە کە تێیدا شکستت هێنا، وە چۆن ئەو ئەزموونانە بوون بە هەوێنی دروستبوونی ئەو بەهایەی کە ئەمڕۆ پێشکەشی کڕیارەکانت دەکەیت،
کاتێک بەشێک لە ناتەواوییەکانی پڕۆسەی گەشەدان بە براندی کەسیی خۆت دەردەخەیت بەشێوازی چیرۆک، خەڵکی خۆیان لە ناو چیرۆکەکەتدا دەبیننەوە و پێی کاریگەر دەبن.
هەمیشە لەبیرت بێت براندی کەسیی تۆ ئەو کاتە دروست دەبێت کە بەها و ئەزموونەکانت دەبنە وەڵام بۆ ئازارەکانی کڕیارەکەت نەک بەرهەمەکانت بە تەنها.
پرۆگرامی کۆچینگی تایبەت
پرۆگرامێکی ڕاوێژکاری دووبەدووە، واتە تەنها بۆ کەسی بەشداربووە. یارمەتی کارسازان و کەسانی پیشەیی دەدات لە ڕێگای ڕاوێژی تایبەتەوە بە کاتێکی کەم براندیکی کەسیی پیشەیی بەهێز دروست بکەن.
پرۆگرامەکە بۆ کەسانی پیشەیی و کارسازانە کە دەیانەوێت گەشە بە براندی کەسیی خۆیان بدەن لە ڕێگەی گەشەدان بە توانای
Communion
Public Speaking/Speaking in front of camera
Brand Tone
Brand Story
Networking Strategies
لە ڕێگای دروست بەکارهێنانی سۆشیاڵ میدیاوە.
لە ماوەی کۆچینگەکاندا، فرەیمۆرکی تایبەت بۆ بەشداربوو دادەڕیژرێت و سەرچاوە و دۆکیۆمێنتی بۆ ئامادەدەکرێت بۆ ئەوی بەشداربوو لە پاش کۆچینگیش بتوانێت بەردەوام بێت لە فێربوون. هەروەها هۆموۆرک و واجبی پەیوەست بە فرەیمۆرکی خۆی پێدەدرێت و پاش کۆچێنت بۆ هەر هۆموۆركێک بە ئۆنلاین هەڵسەنگاندن و فیدباک دەدرێت بە بەشداربوو.
لە سەرجەم پلاتفۆڕمەکان فۆڵۆوم بکە
ئەم ناوەڕۆکە شەیر بکە لای خۆت
خوێنەری بڵاوکراوەکانی پێشوو بە
بۆچی کارۆسێڵ زۆر گرنگە لە لینکدئین؟
لە جیهانی ئەمڕۆی سۆشیاڵ میدیادا، کارۆسێڵەکان بوونەتە بەهێزترین شێوازی پێشکەشکردنی ناوەڕۆک، بەتایبەتی لە لینکدئین. ئەم جۆرە ناوەڕۆکە پەیوەندییەکی قوڵتر دروست دەکات لەگەڵ بینەر، کە ئەمەش وادەکات ئەلگۆریزمی سۆشیاڵ میدیا بەهایەکی زیاتری پێبدات، لەم بڵۆگەدا بەوردی باسمان لە گرنگی کارۆسێڵ و ئەو ڕێنماییانە کردووە کە گرنگن بۆ ئامادەکردنی کارۆسێڵێکی کاریگەر.
چۆن چوارچێوە(فرەیمۆرک)ی 5-3-1 یارمەتیت دەدات لە دروستکردنی ناوەڕۆکی کورت و درێژ؟
چوارچێوەی 5-3-1 ڕێگاچارەیەکی زیرەکانەیە بۆ دروستکردنی ناوەڕۆکی کورت و درێژ بە هەوڵێکی کەمتر
زۆرێک لە کەسانی پیشەیی تەنها پشت بە ناوەڕۆکی کورتی سۆشیاڵ میدیا دەبەستن و ناوەڕۆکی درێژ پشتگوێ دەخەن.
ئەم چوارچێوەیە یارمەتیدەرە هەم لە ڕێگەی ناوەڕۆکی کورتەوە ئاسان بدۆزرێیتەوە، هەم لە ڕێگەی ناوەڕۆکی درێژەوە متمانە بنیات بنێیت.
چۆن لە ڕێگەی ناوەڕۆکی سۆشیاڵ میدیاوە متمانە بۆ براندی کەسیی خۆت دروست دەکەیت؟
لە جیهانێکدا کە زۆر دکتۆر، ئەندازیار، یان هەر پیشەیەکی تر کە هەن کەمینەن کە سەردەکەون چونکە فاکتەری ڕاستەقینەی سەرکەوتن متمانەی پیشەییـەتی.
بە بەخشینی بەهای بەردەوام، ڕەسەنبوون، و نیشاندانی شارەزایی لەڕێگەی ناوەڕۆکی سۆشیاڵ میدیاوە دەبیت بە سەرچاوەیەکی متمانەپێکراو لە بوارەکەتدا.
براند ئارکیتایپ : چۆن ١٢ جۆری کەسایەتی براند دەتوانن براندی کەسیی تۆ هەڵبسەنگێنن؟
هەر براندێک دەتوانێت ئەو کارەکتەرە بدۆزێتەوە کە لەگەڵ بەها و ئامانجەکانیدا دەگونجێت. کاتێک براندێکی کەسیی ئارکیتایپی دروست هەڵدەبژێرێت و لە هەموو قۆناغەکانی ژیانی کەسیی و پیشەییدا پابەندی بێت، نەک تەنها جیاواز دەبێت لە کەسانی دیکە، بەڵکو پەیوەندییەکی قووڵ و درێژخایەن لەگەڵ گروپی بەئامانجگیراوی دادەمەزرێنێت
چۆن مارکێتینگ و براندینگ لەیەک جیا بکەینەوە؟
بۆچی هەندێک بزنس هەمیشە پەشیمان دەبن لە پارەی خەرجکراویان بۆ مارکێتینگ؟ چونکە مارکێتینگ و براندینگ تێکەڵ دەکەن. بۆیە فێری جیاوازیان ببە تا ئەنجامی کاریگەر و درێژخایەن ببینیت
پێشکەوتنی پیشەیی لە ڕێگەی براندی کەسییەوە: چۆن خۆت وەک پسپۆڕێک لە بوارەکەتدا دەناسێنیت؟
کاتێک هەمووان هەوڵ دەدەن لە هەموو شتێکدا پسپۆڕ بن، تۆ ئەگەر لە یەک بواردا قوڵ ببیتەوە وەک ئەحمەد بە خەونەکەت دەگەیت. ئەم بڵۆگە نهێنی گۆڕینی خەونی پسپۆڕبوونت دەکاتەوە ڕاستی لە سۆشیاڵ میدیادا کە چۆن واز لە کۆپی کەسانی تر بهێنیت بۆ دروستکردنی دەنگێکی ناوازەی تایبەت بە خۆت.
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.